Район башлыгы Михаил Афанасьев Александровка авыл җирлеге Советының отчет утырышында катнашты

25 Октябрь исемендәге поселок мәктәбендә Александровка авыл җирлеге Советының отчет утырышында катнашты. Анда район башлыгы Михаил Афанасьев катнашты. Гражданнар җыены алдыннан ул җирлек территориясендә җитештерелүче продукция күргәзмәсе экспозициясен карады, шулай ук кулдан эшләнгән эксклюзив киемнәр ясау белән шөгыльләнүче авыл мәктәбе укучылары белән аралашты.

2017 ел өчен Александровка авыл җирлеге Советы эшчәнлеге һәм 2018 елга бурычлар турында отчет белән авыл җирлеге башлыгы Юлия Җәббарова чыгыш ясады. Докладында ул узган ел эчендә башкарылган эшләрне билгеләде. Шулай ук 2018 елга планнар белән таныштырды: 25 Октябрь исемендәге поселокта яңа мәдәният йорты төзү, спорт мәйданчыгында яктырту урнаштыру, юллар ремонтлау. Юлия Җәббарова гражданнарның үзара салым программасында катнашуының әһәмиятен билгеләде.

Район башлыгы Михаил Афанасьев сүзләре буенча, 2017 ел җирлек кешеләре өчен уңай мизгелләр белән бергә сынаулар да алып килгән. “Без социаль бурычларны үтәдек һәм алга таба да үтәячәкбез», - диде Михаил Афанасьев. Аннан соң ул җирлек кешеләренә бүләкләр тапшырды, соңыннан барлык теләүчеләр район башлыгына үзләрен кызыксындырган сорауларын бирә алдылар. Авыл кешеләре Михаил Афанасьевтан яңа ФАПны төзекләндерүдә ярдәм итүен үтенделәр. Район башлыгы сүзләренчә, әлеге мәсьәлә буенча карар кабул ителәчәк.

ТР Лаеш районы матбугат хезмәте