2018 елның 22 июнендә Лаешның 2 мәктәбе җәйге лагереның башлангыч сыйныфлар укучылары Сугышчан Дан музеенда булдылар. Музей хезмәткәрләре балалар өчен истәлекле экскурсия үткәрделәр. Укучылар сугыш башланган вакыт һәм якташларыбыз - Лаеш районы геройлары турында сөйләгәнне бик зур игътибар белән тыңладылар. Шулай ук бабалары – Бөек Ватан сугышында катнашучылар белән горурланып, үз гаиләләре тарихлары белән бүлештеләр.