Советлар Союзы Герое Борис Кузнецов Лаешта тавыш бирде

8 сентябрь 2019 ел., якшәмбе

Лаеш шәһәрендә #1781 сайлау участогына Борис Кириллович Кузнецов хатыны Әлфия Солтан кызы белән килде.

Аларны район мәдәният йорты фойесында көттеләр инде. Герой белән фотога төшәргә теләүчеләр дә аз түгел иде.

- Кадерле дуслар! Бүгенге көндә Татарстанның барлык халкы өчен дә бик зур әһәмияткә ия, - дип мөрәҗәгать итте Борис Кириллович катнашучыларга. - Без Татарстан депутатларын сайлыйбыз. Республика халкы яхшы яшәсен өчен алар барысын да эшли. Лаеш районында район башлыгы Михаил Афанасьев ярдәме белән зур эш алып барыла. Бездә зур төзелеш бара. Без барлык тармакларда да алдынгылар, шул исәптән ашлык хуҗалыгы, кошчылык үсеш ала. Шундый матур районда яшәвебез зур бәхет. Алга таба да аның икътисады үссен өчен Ходай насыйп итсен.

Борис Кириллович еш бирелә торган күп санлы интервьюлар вакытында бераз аруын әйтте. Әмма аның янәшәсендә һәрвакыт хатыны-Әлфия Солтан кызы.

Советлар Союзы Герое сайлауларның ничек баруы, сайлаучыларның килү-килмәве белән кызыксынды. Игътибар иткәнчә, әлегә дөньяда бар да тыныч, әмма хәл киеренке. Шаяртып:

- Әгәр Президент булырга теләүчеләр иң элек ныклы сәламәтлек кирәклеген белергә тиеш.

Аңа көч нәрсә бирә, дигән сорауга җавап бирде:

- Мәктәпләрдә, институтларда, заводларда еш булам. Авыл хуҗалыгы предприятиеләре буенча күп йөрим. Мин һәрвакыт халык белән, һәрвакыт кешеләр белән. Алар белән аралашудан ләззәт алам. Бу миңа көч бирә дә инде.

Сайлаулар турында сөйләгәндә, диде:

- Депутатларыбызның халыкка гына эшләүләрен көтәм. Торак хуҗалыгы, яшьләребезне тәрбияләү, кешеләрнең иминлеге – бу күп очракта халык белән эшләргә, халык белән очрашырга тиешле депутатларга бәйле. Бу-депутатларның төп бурычы.

ТР Лаеш районы матбугат хезмәте

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования