Бүген ТР Дәүләт Советы каршындагы мәйданда Татарстан Президенты Рөстәм Миңнеханов ТР муниципаль учреждениеләре һәм җирлекләре җитәкчеләренә яңа эш автомобильләре һәм автобуслары ачкычлары тапшырды. Барлыгы 93 Chevrolet Niva автомобиле һәм 7 Ford Transit автобусы (Казанга һәм Яр Чаллыга) тапшырылды.
Район башлыгы Михаил Афанасьев авыл җирлекләрен йөреп чыкты. Башта ул 25 Октябрь исемендәге поселокта булды. Монда 2018 елда яңа клуб төзү планлаштырыла. Михаил Афанасьев аны урнаштыру мөмкин булган территорияләрне һәм мәдәният йортының иске бинасын карады.
Балалар йортында тәрбияләнүчеләрне “Казан Кремле” музей-тыюлыгының Татарстанның табигый тарихы музеенда урнашкан «Естественно, наука!» лабораториясе «Секретная лаборатория Деда Мороза» программасы белән беренчеләрдән булып котлады.
20 декабрьдә район Советының зур залында район башлыгы Михаил Афанасьев рәислегендә ике Комиссия – террорчылыкка каршы көрәш һәм коррупциягә каршы көрәш комиссияләре утырышы булды. Анда район прокуроры Дмитрий Белянин, РФ ЭЭМның Лаеш районы бүлеге начальнигы Юрий Летучев, Комиссияләр әгъзалары, оешма һәм учреждениеләр җитәкчеләре катнашты.