Лаеш Үзәк китапханәсе «Душа – есть все - всюду – вечно» әдәби-музыкаль композициясен үткәрде
Лаеш Үзәк китапханәсе күрү сәләтләре начар булган балалар өчен интернат мәктәптә шагыйрә Марина Цветаеваның тууына 125 ел тулуга багышланган «Душа – есть все - всюду – вечно» әдәби-музыкаль композициясен үткәрде. Укучылар Цветаева шигъриятенең искиткеч һәм тылсымлы дөньясына кагылдылар. Аның шигырьләренә язылган билгеле романслар яңгырады. Чара слайдлар күрсәтү, әлеге искиткеч хатын-кызның җиңел булмаган һәм фаҗигале язмышы, аның һәр кешенең күңеленә үтеп керерлек иҗаты турында сөйләү белән үрелеп барды. Балалар Көмеш гасырның бөек рус шагыйрәсе шигырьләрен белүләрен күрсәттеләр. Чарадан соң кызыксынган укучылар китап күргәзмәсе белән таныша алдылар. Анда Марина Цветаева китаплары һәм аның тормышы һәм иҗаты турында әдәбият тәкъдим ителгән иде.