Өлкән буын өчен йөзү буенча ярыш
Казан шәһәренең спортның су төрләре сараенда өлкән яшьтәге гражданнар арасында йөзү буенча республика ярышлары булды. Республика ярышларын тантаналы ачуда Дәүләт Думасының хезмәт, социаль сәясәт һәм ветераннар эшләре буенча комитет рәисе Ярослав Нилов, ТР яшьләр эшләре һәм спорт министры Владимир Леонов, хезмәт, мәшгульлек һәм социаль яклау министры Эльмира Зарипова һәм башка рәсми затлар катнашты. Бу ярышларның финал этабы, 1 этап республиканың барлык муниципаль берәмлекләрендә Өлкән кешеләр ункөнлегендә үтте.
Республика шәһәрләре һәм районнарыннан 47 команда катнашты. Лаеш районы командасы составына йөзү буенча ярышларның беренче этабы җиңүчеләре Валентина Шоронова һәм Николай Макаров, шулай ук Лаеш муниципаль районының ДСМ һәм Т бүлеген тәкъдим итүче, делегация җитәкчесе Светлана Моденова керде. Шәхси беренчелектә Шоронова Валентина 9 урын, ә Макаров Николай 23 урын алды , эстафетада без 12 урын алдык. Якташларыбыз өчен җан атар өчен социаль яклау бүлеге тарафыннан оештырылган район ветераннары төркеме килде.
Ярышта катнашучылар сүзләре буенча, чып-чын спорт һәм сәламәтлек бәйрәме килеп чыккан.