«Йөрәкләрне музыка белән тутырыйк»

Лаешның тернәкләндерү үзәгендә бүген Лаеш шәһәренең “Балалар сәнгать мәктәбе” педагоглары тарафыннан оештырылган концерт программасы шул исем астында узды.

Яшь музыкантларның аерым чыгышларын думбырачылар ансамбле һәм баянчылар дуэтлары алыштырды. Балалар үзләренең музыкаль сәләтләре белән Лаеш тернәкләндерү үзәгендәге балаларга шатлык һәм бәйрәм тойгысы бирделәр.

Очрашу турында истәлек буларак педагогларга рәхмәт һәм истәлекле бүләк тапшырдылар.  

Татьяна Сәгыйтова, социаль педагог