Татарстан Республикасы Президенты Указы белән җирле үзидарә органнары эшчәнлегенең нәтиҗәлелеген үстерүдәге хезмәтләре һәм Лаеш муниципаль районының социаль-икътисади үсешенә зур өлеш кертүе өчен Лаеш районы башлыгы Михаил Афанасьев “Татарстан Республикасында җирле үзидарәне үстерүдәге хезмәтләре өчен” медале белән бүләкләнде. Бүләкне аңа бүген Казан шәһәренең “Корстон” кунакханә сәүдә-күңел ачу комплексында узган “ТР муниципаль берәмлекләре Советы” ассоциациясенең XII съезды вакытында ТР Президенты Рөстәм Миңнеханов тапшырды.
Лаеклы бүләк белән котлыйбыз!
ТР Лаеш районы матбугат хезмәте