“Татарстанның табигый зоналары” экология дәресе

Бүген Г.Р.Державин исемендәге Лаеш ягы музеенда “Олы Кабан мәктәбе” МБОУ укучылары өчен “Татарстанның табигый зоналары» экология дәресе булды.

Дәрестә балалар Татарстан елгалары белән таныштылар, иң озын елга – Идел турында, иң чиста елга – Лубянка турында мәгълүмат белделәр, аларга Татарстанның Кызыл китапка кертелгән флора һәм фауна тәкъдим ителде.

Укучылар кышкы урманга виртуаль экскурсия ясадылар, түбәндәге тукталышларда булдылар: урман агачлары, урман кошлары, урман җәнлекләре, экология тукталышы, урманда үзеңне тоту кагыйдәләрен ныгыттылар.