Олимпиада-2018 көндәлеге
122 ел элек – 1896 елның 6 апрелендә – Афинада беренче Олимпия уеннары ачыла. Шул вакыттан башлап хәзерге Олимпия уеннары үз исәбен алып бара.
Олимпия уеннары – хәзерге заманның эре халыкара комплекслы спорт ярышлары, алар һәр дүрт ел саен уздырыла.
Олимпия уеннарының бер символы – Олимпия уты. Аны уеннар үткәрелә торган шәһәрдә уеннарны ачу вакытында кабызалар һәм ул уеннар тәмамланганчы бер туктамый яна.
Көньяк Кореянең Пхёнчханында Олимпия уенары 9 февральдә ачылды. Спортчылар спортның кышкы төрләрендә чыгыш ясаячак: фристайл, биатлон, чаңгы ярышлары, тау чаңгысы һәм тимераякта шуу, шорт-трек, фигуралы шуу.
Басма матбугатның «Олимпиада-2018 көндәлеге» күргәзмә-каравында Россия спортчыларының ярышларда катнашуы турында материаллар тәкъдим ителгән. Күргәзмә соңгы басмалар белән оператив төстә тулылана һәм шуңа күрә уеннар нәтиҗәләрен күзәтү уңайлы булачак.
Безнекеләр өчен җан атыйк!