Татарстан Республикасының архив эше буенча Дәүләт комитеты “Минем шәҗәрәм” конкурсы үткәрә.
ТР дәүләт хезмәтенең 100 еллыгына багышланган чаралар кысасында Татарстан Республикасының архив эше буенча Дәүләт комитеты «Моя родословная» генеалогик тикшеренүләр республика конкурсы үткәрә: «Моя родословная» балалар-үсмерләр генеалогик тикшеренүләр республика конкурсы һәм «Моя родословная» генеалогик тикшеренүләр республика конкурсы.
Конкурсларның максаты – гаилә кыйммәтләрен яклау, балалар һәм яшьләрнең үз гаиләсе тарихы белән кызыксынуын арттыру, гаилә шәҗәрәләре традицияләрен яңарту.
Конкурслар 2018 елның 1 октябреннән 25енә кадәр үткәрелә.
Оештыручы - Татарстан Республикасының архив эше буенча Дәүләт комитеты.
Беренче конкурс – балалар-яшьләрнеке. Барлык мәктәп укучылары катнаша ала.
Конкурста җиңүчеләр һәр яшь төркеме буенча аерым билгеләнә. Призлар: 1 урын өчен – планшет, 2 урынга – кәрәзле телефон, 3 урын өчен – электрон китап.
«Моя родословная» генеалогик тикшеренүләр республика конкурсында 18 яшьтән өлкән һәркем катнаша ала.
Конкурс җиңүчеләре конкурс дипломнары һәм акчалата премияләр белән бүләкләнәләр: 1 урынга – 50 мең сум, 2 урынга – 30 мең сум, 3 урынга – 20 мең сум.
Конкурска эшләр рус һәм (яки) татар телләрендә тапшырыла.
Конкурслар турында күрсәтмәләр Татарстан Республикасының архив эше буенча Дәүләт комитетының рәсми сайтында «Деятельность» (http://arhiv.tatarstan.ru/rus/archidoc.htm.) бүлегендә «Гранты, архивные конкурсы» бүлекчәсендә урнаштырылган.