«ЕРЦ – «Татэнергосбыт» «Лаишевский» ҖЧҖнең халыкка хезмәт күрсәтү буенча участок кассасының эш режимында үзгәрешләр
2019 елның мартыннан «Лаишевский» халыкка хезмәт күрсәтү буенча участокта торак-коммуналь хезмәтләр өчен түләүләр кабул итү буенча кассаның эш режимы үзгәрде.
Ай саен 1еннән 14енә кадәр касса түләүләр кабул итми, 15еннән башлап 30(31) енә кадәр түбәндәге эш графигы билгеләнгән:
Дүшәмбе-җомга 8.00дән 17.00гә кадәр, төшке аш 12дән 13кә кадәр, шимбә 9.00дән 13.00гә кадәр төшке ашсыз.
«ЕРЦ – «Татэнергосбыт» ҖЧҖ бердәм исәп-хисап үзәге бинасында «АК БАРС» БАНК ПАОның халыкка үз-үзенә хезмәт күрсәтү терминалы урнаштырылуына игътибар юнәлтә, аның ярдәмендә бердәм түләү документын комиссиясез түләргә мөмкин.
Исәп-хисап кассаларыннан тыш торак-коммуналь хезмәтләр өчен бердәм түләү документын теләсә кайсы уңайлы ысул белән түләргә була:
-«АК БАРС» БАНК ПАОның клиентларга хезмәт күрсәтү офисында – комиссиясез (Беренче май урамы, 32 йорт).
-“Россия почтасы” ФГУП бүлегендә. Түләү өчен комиссия 1500 сумга кадәр 15 сум тәшкил итә, 1500 сумнан артык булганда – түләү суммасының 1%ы (Ленин урамы, 16 йорт).
-“Россия саклык банкы” бүлегендә. Акчалата түләгәндә комиссия –кимендә 15 сум, банк картасы белән түләгәндә - түләү суммасының 1%ы (Лебедева урамы, 32 йорт).
Шулай ук, Татарстан Республикасы дәүләт һәм муниципаль хезмәтләр порталында (https://uslugi.tatarstan.ru/) теркәлеп, бердәм түләү документын теләсә кайсы банк картасы белән комиссиясез түләргә була.