Лаешта район башлыгы Кубогына КВН финалы булды
Лаеш шәһәре РДКсында Лаеш районы башлыгы Кубогына КВН финалы булды. Анда өч команда катнашты: ЛТЭТ, 1 гимназия һәм 2 мәктәп командалары.
Уен башланыр алдыннан катнашучыларга сәламләү сүзе белән Лаеш районы башлыгы урынбасары Татьяна Борһанова мөрәҗәгать итте, ул аларга уңышлар, талантларын һәм осталыкларын үстерүләрен теләде.
Беренче этап – визитка иде. Командалар бу сынауга бик иҗади якын килгәннәр. Алар үзләренең шаяртулары белән берничә тапкыр залның күңелен күтәрә алдылар.
Икенче этап «биатлон» исеме алды. Командалар чиратлап шаярттылар, ә жюри кемнең киләсе райндка чыгасын хәл итте.
Өченче һәм йомгаклау этабы – музыкаль. Һәр чыгыш музыкаль номер белән үрелеп барырга тиеш иде. Тамашачылар бу этапны югары бәяләделәр.
Киеренке уен йомгаклары буенча, өченче урынны ЛТЭТ командасы алды, икенче урын – гимназистларда, ә иң яхшы КВНчылар дип Лаешның 2 мәктәбе командасы табылды. Барлык катнашучылар дипломнар һәм бүләкләр алды. Иң яхшы уенчы дип җиңүче команда әгъзасы Арсений Тимофеев табылды.
ТР Лаеш районы матбугат хезмәте