Татарстанда коронавируска антитела буенча бушлай тестларга керешәчәкләр
Тикшеренүдә җиде яшь төркеменнән вәкилләр катнашачак.
Татарстан буенча Covid-19да халыкның популяцион иммунитетын өйрәнү буенча пилот проектында 2870 кеше катнашачак, алар G иммуноглобулинасына тест тапшырачак.
"Бүгенге көндә зур әзерлек эшләре башкарылды. G класслы иммуноглобулиналарга тест узган затлар саны-2870 кеше. Җиде яшь төркеме булачак. Беренче төркем: бер яшьтән 17 яшькә кадәрге балалар. Алга таба алты яшь төркеме килә: 18-29 яшь, 30-39 яшь, 40-49 яшь, 50-59 яшь, 60-69 яшь һәм 70 яшьтән өлкәнрәкләр. Һәр яшь төркемендә Без 410га якын кешене тикшерәчәкбез", - дип аңлатты спикер.
Тикшеренүдә Татарстанның барлык районнары һәм эре шәһәрләре җәлеп ителәчәк, теге яки бу муниципаль берәмлеккә сайланган кешеләр саны халык санына бәйле булачак. Ә сынаучылар очраклы рәвештә сайланачак.
Татарстан территориясе халыкның яңа коронавирус инфекциясенә популяцион иммунитетын өйрәнү буенча сынау проекты буларак сайланган. Россиядә эксперимент өчен барлыгы 22 субъект билгеләнде.