Лаеш шәһәрендә яшәүче ханым 90 яшьлек юбилеен билгеләп үтә
2020 елның 9 июле, пәнҗешәмбе
Бүген хезмәт ветераны, тыл хезмәтчәне Нина Дмитриевна Чекалина үзенең 90 яшьлек юбилеен билгеләп үтә.
Үзенең котлау сүзләрен аңа Лаеш районы җитәкчесе Илдус Зарипов җиткерде:
«Хөрмәтле Нина Дмитриевна! Сезне чын күңелдән шушы мөһим дата белән котлыйм. Сез безнең өчен ныклык, зирәклек һәм кешелеклелек үрнәге. Сез тормышның барлык авырлыклары аша лаеклы үттегез һәм шул ук вакытта йөрәкләрегездә игелек һәм намуслылыкны югалтмадыгыз.
Бу көнне Сезгә нык сәламәтлек, озын һәм бәхетле еллар, тынычлык һәм игелек, мәхәббәт һәм якыннарыгызның ярдәмен телим! Йортыгызда һәрвакыт җылылык һәм уңайлылык хөкем сөрсен»
Нина Дмитриевна Чекалина күп балалы гаиләдә туа. Аның балачагы Бөек Ватан сугышының авыр елларына туры килә, шуның аркасында ул кечкенәдән үк колхозда эшли, өлкәннәргә ярдәм итә.
Сугыштан соң мех фабрикасында эшли, аннан лаеклы ялга чыкканчы сатучы булып эшли. Гомуми хезмәт стажы 40 елдан артык.
Ире Сергей Тихонович Чекалин белән бергә бәхетле 48 ел гомер кичерәләр һәм ике кыз тәрбияләп үстерәләр. Ире 1999 елда вафат була.
Бүген Нина Дмитриевна дүрт оныгы һәм сигез оныкчыгы өчен яраткан һәм хөрмәтле әби.
Күп санлы грамоталар һәм юбилей медальләре белән бүләкләнгән, «Хезмәт Ветераны»исеменә лаек булган.
Лаеш районы матбугат хезмәте
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз