Лаеш районы социаль-икътисадый үсеш нәтиҗәләре буенча лидерлар өчлегенә керә

ТР Икътисад министрлыгы Татарстан муниципаль районнарының һәм шәһәр округларының 2020 елның беренче алты ае эчендә социаль-икътисадый үсешенә йомгак ясады.

Беренче яртыеллык нәтиҗәләре буенча, Татарстан территорияләренең социаль-икътисадый үсеше рейтингын, ТР Икътисад министрлыгы версиясе буенча, Казан җитәкли. Икенче һәм өченче урыннарда – Әлмәт һәм Лаеш районнары.

Зеленодольск муниципаль районы алдагы рейтингта позицияләргә карата – 10, Питрәч районы 9 позициягә күтәрелгән. Рейтингта районнарның уңай динамикасы, беренче чиратта, икътисадый күрсәткечләрнең үсеше белән бәйле: үзләре җитештергән төяп җибәрелгән товарлар, авыл хуҗалыгы буенча җыелма продукциясе күләменең артуы, шулай ук эшсезлек дәрәҗәсенең кимүе. Тулаем алганда, берьюлы 34 муниципалитетта эшсезлек буенча күрсәткеч республика буенча уртача күрсәткечтән түбәнрәк теркәлгән, ул, 2020 елның 1 июленә булган мәгълүматларга караганда, 3,37% тәшкил иткән.

Иң аз эшсезлек дәрәҗәсе – Актаныш, Әтнә (0,78%), Кайбыч (1,1%) муниципаль районнарында, иң зур күрсәткеч – Питрәч (6,92%), Биектау (4,37%) муниципаль районнарында, шулай ук Казанда (4,16%) теркәлгән.

Республика буенча җан башына исәпләгәндә уртача 321,59 мең сумлык продукция җитештерелгән. Бу күрсәткеч буенча иң югары күрсәткечне Әлмәт районы (1986,3 мең сум) күрсәткән, аннан соң Түбән Кама (797,6 мең сум) һәм Алабуга (687,7 мең сум) районнары килә.

Шулай ук рейтингта районнарда төзелә һәм файдалануга тапшырыла торган торак күләме буенча да уңай тренд билгеләнгән. Җан башына тапшырылган торак мәйданнары саны буенча Питрәч районы алда бара, биредә 3,125 кв.метр күчемсез милек тапшырылган. Икенче урында – Лаеш районы (2,148 кв. метр), өчлекне Тукай районы (1,957 кв.метр) йомгаклый. 2020 елның гыйнвар-июнь айларында Татарстанда файдалануга тапшырылган торак йортларның гомуми мәйданы җан башына исәпләгәндә 0,347 кв. метр тәшкил иткән.