Татарстан хакимияте мәдәниятне үстерү программасын 2025 елга кадәр озайтты

Татарстан хакимияте 2022 елга кадәр исәпләнгән республика мәдәниятен үстерү программасын 2025 елга кадәр озайтты. ТР Премьер-министры Алексей Песошин төбәк Министрлар Кабинетының тиешле карарын имзалады.

Карарның алдагы редакциясе белән чагыштырганда, республика бюджетыннан программаны финанслау күләме 61,67 млрд. сумнан артып, якынча 95,58 млрд. сумга кадәр арта.
Федераль бюджеттан кергән акчалар күләме дә артачак – 2,26 млрд. сумнан 3,8 млрд. сумга кадәр.

Шулай итеп, программаны тормышка ашыруга тотылган чыгымнар элеккеге 63,94 млрд. сумнан бер ярым тапкырга артачак һәм 99,38 млрд. сумнан артып китәчәк.

Шул ук вакытта 2019-2022 елларда мәдәниятне үстерүгә чыгымнар да артты. Аерым алганда, 2019 елда алар республика бюджетыннан 10,23 млрд. сум һәм федераль бюджеттан 421,2 млн. сум тәшкил иткән.