Мәктәптә «иртәнге фильтр» балаларга термометрия үткәргәндә законлы вәкилләрнең ризалыгы кирәкме?

Татарстан Республикасы буенча Роспотребнадзор идарәсенә ата-аналар төркемнәрендә төрле мессенджерлар буенча гомуми белем бирү оешмалары укучыларының иртәнге фильтрын үткәрүгә ата-аналарның язмача ризалыгы таләп ителүе турында мәгълүмат килә. Бу уңайдан кайбер ата-аналар әлеге процедураны үткәрүдән баш тартуны актив пропагандалыйлар.

Татарстан Республикасы буенча Роспотребнадзор идарәсе аңлата.

Халыкның санитар-эпидемиологик иминлеге өлкәсендәге мөнәсәбәтләр 1999 елның 30 мартындагы 52-ФЗ номерлы федераль закон (алга таба - 52-ФЗ номерлы Федераль закон), башка федераль законнар, шулай ук алар нигезендә кабул ителә торган законнар һәм Россия Федерациясенең башка норматив хокукый актлары белән җайга салына (4 статья).

№ 52-ФЗ Федераль законның 10 статьясы нигезендә гражданнар санитар законнар таләпләрен, шулай ук вазыйфаи затларның федераль дәүләт санитар-эпидемиологик күзәтчелеген гамәлгә ашыручы күрсәтмәләрне үтәргә; үз балаларының сәламәтлеге, гигиеник тәрбиясе һәм укуы турында кайгыртырга; башка гражданнарның сәламәтлек саклауга һәм уңай яшәү тирәлегенә хокукларын бозуга китерә торган гамәлләр кылмаска тиеш.

Игътибар итегез, коронавирус йогышы (2019-nCoV) тирә-юньдәгеләр өчен куркыныч тудыручы авырулар исемлегенә кертелгән («тирә-юньдәгеләр өчен куркыныч тудыручы авырулар исемлегенә үзгәрешләр кертү турында»31.01.202020 № 66 РФ Хөкүмәте Карары).

Әмма, белем бирү учреждениесе территориясенә яңа коронавирус йогышы килеп чыгуга юл куймауга юнәлтелгән профилактик чаралар, шул исәптән контактсыз термометрияле «иртәнге фильтр» эпидемиягә каршы чаралар комплексын гамәлгә ашыру кысаларында үткәрелә һәм 323-ФЗ номерлы Федераль законның 20 ст.6 өлешендә каралган максатларга хезмәт итми, димәк, мондый ризалыкны таләп итми.