Татарстанда "Ел тәрбиячесе-2020 " конкурсының республика этабы башланды
Татарстанда ел саен "Россия ел тәрбиячесе" Бөтенроссия һөнәри конкурсының төбәк этабы үткәрелә. Конкурсның төбәк этабы 3 этаптан тора – муниципаль, зона, йомгаклау этабы.
Агымдагы елда "Ел тәрбиячесе" конкурсының зона этабында мәктәпкәчә белем бирү учреждениеләренең 105 педагогы катнашты: тәрбиячеләр, музыка җитәкчеләре, логопедлар, психологлар. Зона этабында иң яхшы нәтиҗәләр күрсәткән 20 конкурсант конкурсның йомгаклау этабында катнашачак.
Ул дүрт конкурс турын үз эченә ала: балалар белән педагогик чара, мастер-класс, «минем уңышлы проектым» доклад-презентациясе, түгәрәк өстәл.
Беренче конкурс көнендә мәктәпкәчә белем бирү оешмаларының 20 педагогы балалар белән педагогик чарада катнашты. Педагоглар кулланыла торган белем бирү технологияләренең асылын чагылдыручы үзләренең гамәли тәҗрибәсен күрсәттеләр. Конкурс сынаулары видеоматта уза.
15-16 сентябрьдә Казан мәгариф хезмәткәрләре йортында конкурсантлар икенче конкурс чарасында – "мастер-класс"та катнашачак. Халык алдында педагоглар мәктәпкәчә белем бирүне үстерүнең заманча тенденцияләрен чагылдыручы методик алымнар, тәрбия, укыту, үсеш һәм сәламәтләндерү технологияләрен күрсәтәчәкләр.
17 сентябрьдә ТР Мәгариф һәм фән министрлыгы бинасында йомгаклау этабында ике чара үткәрү нәтиҗәләре буенча гомуми рейтингта иң күп балл җыйган 11 конкурсант катнашачак.
Өченче конкурс сынавында – "минем уңышлы проектым " - конкурсантлар проектлар ысулын куллану тәҗрибәсен, тәрбияләнүчеләрнең белем бирү бурычын (проблемаларны) мөстәкыйль рәвештә хәл итү, төрле эшчәнлек төрләрендә яңа тәҗрибә алу мөмкинлеген күрсәтәчәкләр.
Дүртенче конкурс сынавында – "түгәрәк өстәл " - мәктәпкәчә белем бирүнең актуаль мәсьәләләре буенча ачык фикер алышулар булачак.
Өченче һәм дүртенче конкурс чаралары нәтиҗәләре буенча гомуми рейтингта иң күп балл җыйган катнашучылар арасыннан оештыру комитеты конкурсның җиңүчесе, призерлары, лауреатлары һәм номинантлары билгеләнә.
19 сентябрь көнне мәдәният йортында. Казан шәһәренең В.И. Ленин исемендәге 15.00 сәгатьтә "Ел тәрбиячесе-2020" республика һөнәри конкурсы җиңүчесен һәм финалистларын хөрмәтләү була.