Фән компетенцияләрен арттыру буенча укуга 1,5 мең укытучы җибәрелгән
Россия Мәгариф һәм фән министрлыгы инициативасы буенча быел Татарстанның 1,5 мең укытучысы фән һәм методик компетенцияләрне камилләштерү буенча укулар уза. Бу хакта мәктәпкәчә һәм мәктәп белем бирү мәсьәләләре буенча Туры эфир вакытында ТР Мәгариф һәм фән министры Илсур Һадиуллин хәбәр итте.
Мәгариф һәм фән министрлыгы башлыгы сүзләренә караганда, PISA тикшеренүләре Россия һәм Татарстан укучыларының фән өлкәсендә көчле булуын күрсәтә, әмма «аларның тормыш бурычларының киң диапазонын хәл итү өчен аларны куллану күнекмәләре формалашмаган».
«Димәк, алар җитәрлек функциональ белемгә ия түгел. Аның дәрәҗәсен күтәрү педагогик кадрларны әзерләүдән башка мөмкин түгел», - диде ул.
Быел 11 нче сыйныфны Татарстанның 17 меңгә якын укучысы тәмамлады. БДИ югары уку йортларына укырга керергә теләгән 15 меңнән артык чыгарылыш сыйныф укучысы тапшырды.