Атабай авыл җирлегендә Нәүрүз бәйрәме

Гөреф гадәтләребез буенча элек-электән Нәүрүз көннәрендә олылар, әби-бабайлар өйдә, матур, яңа киемнәрен киеп, намазлык җәеп, махсус нәүрүз намазларын укыганнар. Аллахыдан гаиләгә, илгә, дәүләт башлыкларына исәнлек, тынычлык, бәхет, зур уңышлар теләп, озак-озак итеп дога кылганнар, хәерле Яңа ел килүен сораганнар. Нәүрүз бәйрәме мөселман халкын киләчәккә якты өмет белән карарга өйрәткән, аларга яңа көч-дәрман, яңа дәрт биргән, аларны тормышны яратырга өйрәткән.