2021 елда 1 миллион 200 мең яңа урынга исәпләнгән мәктәпләр төзү проекты старт ала
Россия мәгариф министры Сергей Кравцов 1 миллион 200 мең яңа урынга 1910 мәктәп төзелеше буенча дүрт еллык проект старт алуы турында хәбәр итте. Бу хакта ул Россия Президенты Владимир Путин белән очрашуда хәбәр итте.
"Узган ел 122 мең урынга 828 балалар бакчасы төзелде, быел 767 балалар бакчасы төзиячәкбез. Узган ел 169 мең урынга 277 мәктәп төзелгән. Һәм быелдан 1 миллион 200 мең урынга 1910 мәктәп төзү буенча дүрт еллык проектны башлыйбыз", - диде Сергей Кравцов.
Ул хәбәр иткәнчә, узган ел Россия Мәгариф һәм фән министрлыгы укытучылар өчен бюрократик хисаплылыкны киметкән: Мәгариф һәм фән өлкәсендә күзәтчелек федераль хезмәте белән берлектә укытучы тутырырга тиешле минималь документлар исемлеге билгеләнгән.
Сергей Кравцов педагогик белем бирү өлкәсендәге үзгәрешләр турында сөйләде. 2021 елдан педагогик хезмәткәрләрне әзерләүнең бердәм системасы кертелә. Россия Мәгариф һәм фән министрлыгы башлыгы шулай ук узган ел беренче тапкыр педагогик вузларга керү өчен БДИның уртача баллы артуын билгеләп үтте.
Очрашуда сыйныф җитәкчелеге өчен түләү мәсьәләсе каралды, ул Россия Мәгариф һәм фән министрлыгының даими контролендә тора.
Сергей Кравцов шулай ук 2020 елда "Россия Федерациясендә мәгариф турында" гы законга мәктәпләрдә тәрбия эшен көчәйтүгә бәйле төзәтмәләр кабул ителүен хәбәр итте. Быелдан ун төбәктә тәрбия эшләре буенча директор киңәшчесенең өстәмә 15 мең сум күләмендә өстәмә ставкасы кертелә.
Моннан тыш, Россия Президенты Владимир Путин белән очрашу вакытында мәгариф министры Сергей Кравцов цифрлы белем бирү мохите булдыру турында сөйләде. Шул ук вакытта ведомство башлыгы дистанцион укуларның традиционны алыштыра алмавын ассызыклады.