Хөкүмәт белем бирү кредитына 16 млн сумнан артык акча бүлеп бирәчәк
Хөкүмәт Президент йөкләмәсе буенча белем бирү кредитына дәүләт ярдәмен киңәйтте һәм процентларны түләүгә бәйле чыгымнарның бер өлешен компенсацияләүгә 16 млн.сумнан артык акча юнәлдерде. Бу хакта вице-премьерлар белән киңәшмәдә премьер-министр Михаил Мишустин белдерде. Трансляцияне "Россия 24" телеканалы күрсәтте.
"Без өстәмә рәвештә белем бирү кредитлары буенча процентларны түләүгә бәйле чыгымнарның бер өлешен компенсацияләүгә 16 млн.сумнан артык акча бүлеп бирәчәкбез", — диде Мишустин һәм быел мондый кредитларга ставканың 3% ка кадәр кимүен билгеләп үтте.
Август аенда Мишустин түләүле нигездә укучы студентларга еллык 3% ставкасы буенча белем алу кредитын алып булачак дигән карарга кул куйды. Элек мондый кредит буенча ставка еллык 8% тан артып киткән иде. Моннан тыш, документ нигезендә, уку һәм ташламалы чорда кредит алган укучылар аның буенча процентлар гына түли.