Лаешта 2020 ел нәтиҗәләре
Лаешта 2020 елга йомгак ясадылар. Хисап сессиясендә ТР Дәүләт Советы Рәисе урынбасары Татьяна Ларионова, Лаеш районы Башлыгы Илдус Зарипов һәм Прокурор Юрий Марасов катнашты.
Төп доклад белән Лаеш шәһәре Башкарма комитеты җитәкчесе Виктор Арефьев чыгыш ясады.
Коронавирус инфекциясе таралу һәм үз-үзеңне изоляцияләү режимына күчү сәбәпле, "Алтын көз" халыкка комплекслы социаль хезмәт күрсәтү үзәге базасында көн саен "кайнар линия" эшли башлады. Инвалидлар һәм өлкән яшьтәге гражданнар белән азык-төлек, дарулар һәм беренче чиратта кирәк-яраклар китерү буенча эш оештырылды.
Волонтерлар тарафыннан 65 яшьтән өлкәнрәк яшьтәге гражданнарга һәм инвалидларга ташламалы дарулар белән тәэмин итү оештырылды.
Шәһәрнең социаль-икътисади үсешенең төп күрсәткечләреннән берсе-туучылар саны. Ел саен халыкның үсеш динамикасы күзәтелә, 2020 елда 83 бала туган, бу 2019 ел белән чагыштырганда 5 балага күбрәк, димәк, халык саны да арта, дип хәбәр итте Арефьев.
Муниципаль берәмлек территориясендә күп сандагы социаль объектлар бар. Бу 3 гомуми белем бирү һәм 4 мәктәпкәчә белем бирү учреждениесе, шул исәптән гимназия. Лаеш техник-икътисад техникумы, мөмкинлекләре чикләнгән балалар өчен интернат-мәктәп, балалар йорты, үзәк район хастаханәсе, район мәдәният йорты, спорт-сәламәтләндерү комплексы, балалар спорт мәктәбе, балалар сәнгать мәктәбе. Лаеш территориясендә төрле милек рәвешендәге 209 предприятие һәм оешма, 140 шәхси эшмәкәр һәм 197 үзмәшгульлек теркәлгән.
2020 елның 16 декабрендә Татарстан Республикасы Президенты Рөстәм Миңнеханов катнашында "Лаеш Арена" ясалма бозлы ябык шугалакны ачу тантанасы булды.
2021 елның язында Ленин - Заовражная урамнарындагы күперне ремонтлау төгәлләнәчәк, яңа экстрим парк тачылачак.
Хисап елында шәһәрнең тарихи өлешендә бульвар яңартылды, яңа тукталыш павильоны куелды, Ленин урамы буенча урам утлары алыштырылды.
Ишегалды территорияләрен һәм квартал эчендәге юлларны ремонтлау программасы буенча Сәйдәшев урамындагы 5 һәм 7, Матросов урамындагы 22 нче йортлар ишегалдында ремонт ясалган.
Шәһәрнең күпфатирлы йортларында агымдагы ремонт үткәрелде:
- Сәйдәшев урамындагы 16 нчы йортта,
- Лебедева ур., 42, Матросов ур., 22 адресы буенча урнашкан түбәне ремонтлау, Юбилейный-Сәйдәшев микрорайонындагы күп фатирлы йортларның түбәләрендә кар тоту җайланмалары урнаштырылды;
- Матвеев ур., 1А, Гагарин ур., 1А һәм 2 йорт подъездлары ремонтланды;
Чернышевский урамы буенча авария хәлендәге йорт сүтелде. "Горький" паркында спорт мәйданчыгы төзелде, эскәмияләр, урналар куелды. Еловая урамында яктырту эшләре башкарылды.
Яр буе урамында халыкка уңайлы булсын өчен хәрәкәт схемасын үзгәрттеләр һәм юл билгеләре куелды. Беренче Май, Лебедева, Юбилейная, Декабристлар, Производство, Туполев урамнары буенча җәяүлеләр кичүләре яңартылган һәм ясалма тигезсезлекләр урнаштырылган. Лебедева, Декабристлар, Олег Кошевой урамнары буенча чокырлар ремонтланды. Сосновая һәм Җиңү урамнары буенча юлларга вак таш җәелде.
Территориаль иҗтимагый үзидарә, ветераннар Советы, урам комитетлары халык белән шактый эш башкара. Территориаль иҗтимагый үзидарәләр шәһәрне төзекләндерүгә аерым игътибар бирә, төрле чараларны оештыручылар булып тора.
2020 елның ноябреннән шәһәрдә ТҖҮ саны 5 тән 15 кә кадәр артты. Район җитәкчелеге белән берлектә 2021 елга ТҖҮ эше программасы кабул ителде. Гражданнарны кабул итү графигы расланды.
2021 ел безгә һәр кешегә кагыла торган берничә мөһим вакыйгалар китерә. Бу-Россия Федерациясе Дәүләт Думасы депутатларын сайлау, Бөтенроссия халык санын алу.
Шулай ук ел туган телләр һәм Халыклар бердәмлеге елы белән билгеләп үтеләчәк.
Лаеш районы матбугат хезмәте