Илдус Зарипов җитәкчеләр белән традицион киңәшмә үткәрде

2021 елның 2 марты, сишәмбе

Кичә «эшлекле дүшәмбе» киңәшмәсендә гражданнарның үзара салым программасын тормышка ашыру, язга әзерлек һәм спортны популярлаштыру турында сөйләштеләр. Киңәшмәне район Башлыгы Илдус Зарипов үткәрде. Аның эшендә муниципаль район Советы һәм Башкарма комитетының структур бүлекчәләре җитәкчеләре, көч структуралары вәкилләре, оешма, предприятие җитәкчеләре, авыл җирлекләре башлыклары, белгечләр катнашты.

Илдус Зарипов кайбер йөкләмәләр бирде:

• Авыл җирлекләре башлыкларына үз территорияләрендә үзара салым программасын үткәрергә кирәк;
• Спортны популярлаштыру, аны массакүләм һәм үтемле итү. "Безнең районда бу юнәлештә лидер булу өчен барлык кирәкле объектлар да бар. Безнең спортчылар һәм аларның тренерлары башкалар өчен үрнәк булырга тиеш", - дип билгеләп үтте башлык;
• Җылыну сәбәпле, кар һәм түбәдән боз төшү куркынычы туды. Авыл җирлекләре башлыкларына, оешма җитәкчеләренә коммуналь хезмәтләр белән берлектә әлеге мәсьәләне аерым контрольгә алырга кушылды;
• Массакүләм вакцинация җәелдерелүгә карамастан, Роспотребнадзорның барлык таләпләрен үтәргә һәм белгечләрнең кагыйдәләрне һәм рекомендацияләрен үтәргә кирәк;
• Җирлек башлыкларына мөлкәт һәм җир мөнәсәбәтләре палатасы белән берлектә җир кишәрлекләрен һәм капиталь төзелеш объектларын инвентаризацияләү буенча актив эш алып барырга.

Лаеш районы матбугат хезмәте