Лаешлылар "Хәтер вахтасы-2021 "эзләнү экспедициясендә катнаштылар

Лаеш районыннан килгән балалар «Хәтер вахтасы — 2021»эзләнү экспедициясендә катнаштылар. «Кар десанты» җыелма отряды составында Столбище авылының «Ватан» МПК, Рождественоның «Пламя» ВПК укучылары һәм Олы Кабан мәктәбе укучылары бар иде. Экспедициядә катнашучылар Мясной Бор авылына бардылар. Нәкъ менә биредә 1941 елдан 1944 елга кадәр каты сугышлар бара, алар барышында Советлар Союзы Герое Муса Җәлил әсир ителә. Мясной Бор астында көрәш шулкадәр канкойгыч булып чыкты ки, еллар узгач, зур булмаган урман полосасын Үлем үзәне дип атый башладылар. Бу юлы отряд 12 метр диаметрлы һәм тирәнлеге 5-6 метр булган зур чокырны эшкәртә башлады. Бу - авиабомбаның эзе булырга мөмкин. Экспедиция нәтиҗәләре буенча, " Кар десанты " 1942 елда һәлак булган 10 сугышчының җәсәдләрен табып ала. Алга таба һәр солдатның шәхесен билгеләү буенча зур эш башкарасы бар. 8 майда, Җиңү көне алдыннан, язгы "Хәтер вахтасы — 2021" дә табылган Кызыл Армия сугышчылары һәм командирларының җәсәдләрен күмү тантанасы булды. Алар барысы да Мясной Бор авылындагы хәрби зиратта җирләнгән. Лаеш районы матбугат хезмәте.