Лаеш районында яшәүче Равил Камалов үз гаражында СССР чорындагы әйберләр музее оештырган
Лаеш районында яшәүче Равил Камалов үз гаражында СССР чорындагы әйберләр музее оештырган. Бу хакта «Татар-информ»МА хәбәр итә.
Хуҗалык корылмасының кечкенә генә бүлмәсендә ул винтаж һәм раритет предметлар экспозициясен урнаштырган.
Экспозициядә фотоаппаратлар, керосин лампалары, транзисторлар һәм сәгатьнең иске модельләрен күрергә мөмкин. Электромангал, керосинка һәм электр җылыткыч-абажур термослар һәм самоварлар белән күршеләр.
Равил Камалов шулай ук мобиль телефоннар модельләре коллекциясен — рациядән алып хәзерге смартфонга кадәр, шулай ук раритет дисклы стационар аппаратларны да җыйды.
Равил Камалов җирле халыкта үзенең мавыгуына соклану уята. Ул раритетлар күргәзмәсен оештырып кына калмый, экспонатлар белән бәйле күп кенә кызыклы һәм артык танылмаган фактлар да белә.
Лаеш районы матбугат хезмәте.