Рөстәм Миңнеханов Үзбәкстан Президенты Шәүкәт Мирзиев белән очрашты

Бүген Татарстан Республикасы Президенты Рөстәм Миңнеханов Ташкентка эш сәфәре кысаларында Үзбәкстан Президенты Шәүкәт Мирзиев белән очрашты.

Татарстан Президенты аңа Россия-Үзбәкстан мөнәсәбәтләре кысаларында Татарстан белән хезмәттәшлекне үстерүгә игътибар һәм ярдәм күрсәткәне өчен рәхмәт белдерде.

Татарстан белән Үзбәкстанның эшлекле хезмәттәшлеге тарихы 1993 елда Килешүгә кул куюдан башлана. Казанда Үзбәкстанның Генераль Консуллыгы эшли, Үзбәкстанның үзендә Татарстан вәкиллеге эшли. Казан һәм Ташкент – тугандаш шәһәрләр.

Рөстәм Миңнеханов искә төшергәнчә, хезмәттәшлек елларында берничә Татарстан компаниясе белән уртак проектлар эшләнгән, алар арасында "КАМАЗ", Татнефть, ТАИФ, КМПО, суднолар төзү заводы, Позис, Татхимфармпрепаратлар, Ак Барс холдинг, Татспиртпром һәм башкалар.

«Россия-Ислам дөньясы» стратегик караш төркемендә мин Россия Федерациясе Президенты Владимир Путин кушуы буенча җитәкчелек итәм, анда Үзбәкстаннан да вәкил катнаша», - диде Рөстәм Миңнеханов һәм әлеге мәйданчыкның ике илнең якынаюына ярдәм итүен билгеләп үтте.

«Делегациябезнең Татарстанга һәр визиты республикабыз үсешенә яңа этәргеч бирә. Сезнең төбәккә хезмәттәшләремне бик теләп җибәрәм, алар иң яхшы тәҗрибәләрне үзләштерсен өчен», - диде үз чиратында Үзбәкстан Президенты.

ТР Президенты Матбугат хезмәте.