Татарстанның 8 мәктәбе укучыларның белем бирү казанышларын бәяләү буенча халыкара тикшеренүдә катнашачак

2022 елның апрелендә Россия Федерациясенең 43 субъектыннан 265 мәктәп PISA халыкара тикшеренүендә катнашачак. PISA (Programme for international Student Assessment) укучыларының белем казанышларын бәяләү буенча халыкара программа - икътисади хезмәттәшлек һәм Үсеш Оешмасы тарафыннан үткәрелә торган тикшеренү. Тикшеренү «Мәгариф» милли проекты кысаларында үткәрелә, аның төп максатларының берсе - Россиянең 2024 елга гомуми белем сыйфаты буенча дөньяның иң яхшы ун иле арасына керүе.

PISA, PIRLS һәм TIMSS Халыкара тикшеренүләр нәтиҗәләре нигезендә Россиянең башка илләргә карата белем бирү сыйфаты буенча положениесе билгеләнәчәк. Россия мәгариф системасының торышы турында мәгълүмат алу һәм динамикасын күзәтү өчен, ел саен Россия мәктәпләрендә PISA тикшеренүе стандартлары буенча белем бирү сыйфатын бәяләү планлаштырыла. Анда дөньяның 85 тән артык иле катнашачак. Тикшеренүдә Татарстаның 7 муниципаль берәмлегеннән 8 мәктәп катнашачак.

PISA-2022 тикшеренүе барышында укучылар компьютердан тестлаштыру узачак, шулай ук аларга һәм мәктәп администрациясенә анкета узу каралган.

Мәктәптә 2006 елда туган 53 укучы сайлап алыначак. Бу укучылар 2 сәгать дәвамында математика, уку, табигать белеме, креатив фикерләү буенча компьютер тестларын үтәчәкләр. Сайлап алынган укучыларның кайберләре шулай ук финанс грамоталылыгы буенча биремнәр үтәячәк.