Лаешта «Ак таулар» уха фестивале узды
Ел саен "Ак таулар" уха фестивале Семрук бистәсендә уза, быел ул Советлар Союзы Герое Борис Кирилл улы Кузнецовка багышланды. Анда катнашучылар балык тотуда ярыштылар, ә мәйданчыкта район мәдәният йорты коллективлары тарафыннан концерт оештырылды.
Бию белән бергә яраткан җырларыбыз яңгырады. Кечкенә кунаклар да игътибарсыз калмады, алар өчен ярышлар һәм конкурслар оештырылды. Бәйрәмнең төп вакыйгасы - уха әзерләү. Кышкы балык тотуда катнашучылар бөтен балыкны аш әзерләү өчен тоттылар. Аны үз рецептлары буенча дүрт хуҗалыкта: рус, татар, керәшен һәм чуваш хуҗалыкларында пешергәннәр.
Азыкны беренче булып кабып карау хокукы Лаеш районы башлыгы Илдус Зариповка бирелде. Комиссия катнашучыларның барысын да югары бәяләде, һәркайсының үзенең кызыклы һәм тәмле рецепты булуын билгеләп үтте. Барлык катнашучыларны Рәхмәт хатлары һәм истәлекле бүләкләр белән бүләкләделәр. Фестиваль күңелле узды, кунаклар барысы да канәгать калдылар.