Илдус Зарипов: спорт - ул сәламәтлек

2022 елның 3 марты, пәнҗешәмбе

Бүген Лаешта Татарстан Республикасы балалар йортлары һәм интернат мәктәпләрендә тәрбияләнүчеләр арасында чаңгы ярышлары буенча Х Республика беренчелеге узды. Татарстан Республикасының төрле районнарыннан балаларны Лаеш районы башлыгы сәламләде.

Катнашучылар арасында - Татарстан Республикасының төрле районнарыннан: Казан шәһәре Чистай, Әлмәт, Идел буе районы, Түбән Кама, Алабуга, Лениногорск, Нурлат, Лаеш балалар йорты һәм Минзәлә, Казан интернат мәктәбе.

"Спорт характер тәрбияли, организмны чыныктыра, кешене көчле һәм чыдам итә, ә иң мөһиме - аның сәламәтлеген ныгыта, бу җитди сыйфат, чөнки сәламәтлекне саклау - кешенең төп бурычларының берсе, бигрәк тә заманча дөньяда, - дип ассызыклады Илдус Зарипов.