Балалар бакчаларына балаларны кабул итү тәртибе гадиләштерелде
Россия Мәгариф министрлыгы мәктәпкәчә белем бирү программалары буенча белем бирү эшчәнлеген гамәлгә ашыручы оешмаларда балаларны кабул итү тәртибен гадиләштерде, дип хәбәр итә ведомствоның матбугат хезмәте. 2022 елның 1 мартыннан балаларның ата-аналары (законлы вәкилләре) балаларны бакчага алып килү өчен медицина бәяләмәсе бирмәскә хокуклы. Белем бирү оешмасына юллама һәм/яки кабул итү өчен, баланың ата-анасы (законлы вәкилләре) түбәндәге документларны күрсәтәләр:
- баланың атасының яисә анасының (законлы вәкиленең) шәхесен раслаучы документ йә чит ил гражданының яисә Россия Федерациясендә гражданлыгы булмаган затның шәхесен раслаучы документ;
- опека билгеләүне раслый торган документ (кирәк булганда);
- психолого-медик-педагогик комиссия документы (кирәк булганда);
- сәламәтләндерү юнәлешендәге төркемгә (кирәк булганда) уку ихтыяҗын раслый торган документ.