Татарстанда ташламалы ипотека алуга яшьләр конкурсы старт ала
19 мартта Татарстанда Яшьләр торак конкурсына - социаль ипотека буенча торак алуга 2022 заявкалар кабул ителә башлый, ул 2012 елдан ТР Президенты Рөстәм Миңнеханов ярдәме белән уздырыла. Бу хакта “Татарстан Республикасы студентлар лигасы” төбәк яшьләр иҗтимагый оешмасы президенты Руфат Кыямов сөйләде.
Ташламалы шартларда 18-35 яшьлек гражданнар торак шартларын яхшырту мөмкинлегеннән файдалана ала, аларның хезмәт яисә җәмәгать эшчәнлеге республика яшьләре сәясәтен гамәлгә ашыру, белем бирү һәм тәрбияләү өлкәсендә уза.
«Конкурста иҗтимагый оешмалар активистлары, студентлар - яшьләр сәясәте проектларында катнашучылар, башкарма комитетлар, учреждениеләр, яшүсмерләр клублары яшьләр белән эшләү буенча белгечләр, мәгариф учреждениеләре яшьләре белән эшләү буенча белгечләр катнаша ала», - дип аңлатты Киямов.