«Созвездие-Йолдызлык» Арт-резиденциясендә Лаеш һәм Кама Тамагы гастрольләре булачак

2022 елның 6 апреле, чәршәмбе

7 апрель көнне 14.00 сәгатьтә Лаеш районы Мәдәният йортында (Лебедева ур., 30 йорт) труппа “Рус шигъриятенең алтын гасыры: ерак һәм якын” исемле театральләштерелгән тамаша күрсәтәчәк. Программа XIX гасыр башында хезмәт куйган һәм үзеннән соң бай әдәби, шигъри, музыкаль мирас калдырган мәдәният эшлеклеләренә багышланган.

Постановка үсеп килүче буынны югары сәнгатькә ориентлаштыра һәм үзенә күрә мәдәни-әхлакый баету чыганагы булып тора. Моннан тыш, шул ук көнне 18.00 сәгатьтә Лаеш халкына "Ерак йолдыз яктысы" спектакле күрсәтеләчәк. Исегезгә төшерәбез, "Созвездия-Йолдызлык" Арт-резиденциясенең барлык программалары да шул исәптән "Пушкин картасы" буенча да мөмкин.