Татарстан мәчетләрендә 2 майда Ураза гаете билгеләп үтеләчәк
2 майда Татарстанның барлык мәчетләрендә Ураза бәйрәмен билгеләп үтәчәкләр, дип хәбәр итә ТР мөселманнары Диния нәзарәте. «Республика шәһәрләре мәчетләрендә гает намазы иртәнге 6:30 сәгатьтә Куръан аятләре укыла һәм 7:00 сәгатьтә гает-вагазлар белән дәвам итә.
Бәйрәм намазын 7:30 сәгатьтә ясау планлаштырыла. Авыл җирлегендәге мәчетләрдә иртәнге намаз 03:00 сәгатьтә укылачак, гает-вагазлар 04:00 сәгатькә, ә гает-намаз 4:30 сәгатькә планлаштырылачак, - диелә хәбәрдә.
Татарстан мөфтие Камил хәзрәт Сәмигуллинның бәйрәм вәгазе “Хузур ТВ” телеканалында, шулай ук “ТНВ-Татарстан” һәм “ТНВ-Планета” телеканалларында турыдан-туры эфирда трансляцияләнәчәк. Трансляцияне шулай ук ТР мөселманнары Диния нәзарәте сайтында һәм YouTube-каналда «Телеканал Хузур ТВ» карарга мөмкин булачак.