Татарстанда «Ел табибы - Ак чәчәкләр» бәйгесе узачак
Татарстанда «Ел табибы - Ак чәчәкләр» республика конкурсы узачак. Быел ул 14 нче тапкыр узачак. Конкурста җиңүчеләрне бүләкләү тантанасы 17 июньдә «Kazan Expo» Халыкара күргәзмә үзәгендә узачак. 2022 елгы конкурста биш номинация күрсәтелгән: «Сәламәтлек саклау легендасы», «Беренчел звеноның иң яхшы табибы», «Елның медицина хезмәткәре», «Уникаль очрак» һәм «Ел табибы».
Конкурста медицина оешмаларының медицина һәм фармацевтика хезмәткәрләре, стажы кимендә 5 ел булган Татарстан Республикасының югары һәм урта белем бирү учреждениеләре укытучылары, медицина оешмалары, дәүләтнең һәм дәүләтнеке булмаган милек рәвешендәге аптека учреждениеләре, фармацевтика эшчәнлегенә лицензиясе булган һәм Татарстан Республикасының фармацевтика базарында кимендә 1 ел эшләгән затлар катнаша ала.