Татарстан Республикасы Урман селекция-орлыкчылык үзәгендә ылыслы токым орлыкларының икенче ротациясен чәчү эшләре бара
Татарстан Республикасы Урман селекция-орлыкчылык үзәгендә “Экология” милли проектының “Урманнарны саклау” федераль проекты кысаларында “Татарстан Республикасында урманнарны саклау” региональ проекты кысаларында ылыслы токым орлыкларының икенче ротациясен чәчү эшләре башкарыла.
«Бу атнада эшләрне төгәлләргә уйлыйбыз. Барлыгы 4 миллион данә нарат һәм карагай орлыклары чәчеләчәк, - диде үзәк директоры Азат Зиннәтуллин. - Үзәкнең җитештерү куәте елына ябык тамыр системалы 12 миллион данә стандарт утырту материалы тәшкил итә.
Технология буенча башта теплицаларда чәчкеннәр үстерәбез, аннары үстерелә торган басуларга чыгарабыз. Хәзер кырларда беренче ротация чәчкеннәре көч туплый. Аларның хәле яхшы дип бәяләнә". Исегезгә төшерәбез, стандарт утырту материалын җитештерү «Экология» милли проектының «Урманнарны саклау» региональ проектының өстәмә күрсәткече булып тора. Быел кимендә 30,9 млн. данә чәчкене үстерергә кирәк.