Урманнарда янгын куркынычсызлыгы кагыйдәләрен бозган өчен җаваплылыкны катгыйландыручы закон үз көченә керде
Урманнарда янгын куркынычсызлыгы кагыйдәләрен бозган өчен җаваплылыкны катгыйландыручы «Административ хокук бозулар турында Россия Федерациясе кодексына үзгәрешләр кертү хакында» 2022 елның 28 маендагы 141-ФЗ номерлы Федераль закон үз көченә керде.
Әйтик, хәзер урманнарда янгын куркынычсызлыгы кагыйдәләрен бозу гражданнарга - 15-30 мең сум (элек каралган 1,5-3 мең сум урынына), вазыйфаи затларга - 30-50 мең сум (элегрәк - 10-20 мең сум), юридик затларга - 100-400 мең сум (элегрәк - 50 мең сумнан алып 200 мең сумга кадәр) административ штраф салуга китерә. Шулай ук урманнарга турыдан-туры тоташкан җир кишәрлекләрендә таләпләрне бозып, ылыслы үсемлекне, урман түшәмәсен, кипкән үләнне һәм башка урман янучан материалларын яндырган өчен штраф күләме дә арттырылды.
Сайтта төгәлрәк белергә була: http://www.kremlin.ru/acts/bank/47849.