Татарстанның 143 кече һәм урта эшкуарлык субъекты социаль предприятиеләр исемлегенә керәчәк

2022 елның 15 июне, чәршәмбе

Татарстан Республикасы Икътисад министрлыгында Татарстан Республикасында кече һәм урта эшкуарлык субъектларын социаль предприятиеләр дип тану мәсьәләләрен карау буенча ведомствоара комиссия утырышы узды. Комиссия тарафыннан республиканың социаль юнәлешле бизнесыннан 143 гариза хупланды.

Комиссиягә Татарстанда кече һәм урта эшкуарлыкка ярдәм итү инфраструктурасына керүче дәүләт хакимияте органнары, иҗтимагый берләшмәләр һәм коммерциягә карамаган оешмалар вәкилләре керде.