Илдус Зарипов табибларны һөнәри бәйрәмнәре белән котлады

2022 елның 17 июне, җомга

Бүген Лаеш районы башлыгы Илдус Зарипов Медицина хезмәткәре көне белән котлады. Лаеш хастаханәсе янындагы мәйданда безнең районның сәламәтлек саклау учреждениеләре хезмәткәрләре җыелды. "Лаеш районы халкының тормышы, иминлеге һәм сәламәт булуы - безнең өчен бик мөһим. Шуңа күрә, үз вакытында сыйфатлы ярдәм күрсәтү - өстенлекле мәсьәлә. Яңа ФАПлар төзелә һәм ачыла, сәламәтлек саклау учреждениеләрендә капиталь ремонт үткәрелә. Бүген Татарстан медицинасы илдәге иң яхшыларыннан санала. Ләкин һәрвакыт иң күп көч сарыф итүчеләр - медицина хезмәткәрләре. Сез кешеләргә ярдәм итәсез, яшәү өметен кайтарасыз. 

Сезгә чиксез рәхмәтемне белдерәм. Исәнлек-саулык, бәхет, зур уңышлар телим!"