Рөстәм Миңнеханов Татарстанда милли проектларны гамәлгә ашыру эшен көчәйтергә кушты
Татарстанда милли проектлар кысаларында китерелә торган эшләрне тизләтергә кирәк. Шул ук вакытта федераль үзәк белән килешүгә салынган барлык параметрларга ирешелергә тиеш. Бүген Татарстан Республикасы Президенты Рөстәм Миңнеханов Татарстан Республикасы Хөкүмәте Йортында узган утырышта шундый бурыч куйды. «Республиканың берләштерелгән бюджеты чыгымнары якынча 43 % тәшкил итте.
Ел дәвамында, аеруча федераль чаралар буенча, чыгымнарны бертигез дәрәҗәдә уздыру зарурлыгына игътибар итәм. Милли проектлар чараларына агымдагы елның беренче яртыеллыгында чыгымнар еллык планның 20%ы гына, ә федераль чаралар буенча нибары 15%.
Бу сорауларны көн саен контрольдә тотуыгызны сорыйм. Шулай ук барлык министрлыкларга республика чараларын дәүләт программаларына һәм аларны уртак финанслау өчен милли проектларга кертү буенча хакимиятнең федераль органнары белән эшне дәвам итәргә кирәк. Мондый мөмкинлек бар, эшләргә кирәк", - дип игътибар итте Миңнеханов.