Татарстанда урманнарга баруга чираттагы вакытлыча чикләү кертелде

2022 елның 31 августы, чәршәмбе

ТР Министрлар Кабинетының 2022 елның 29 августындагы 919 номерлы карары нигезендә урманнарда янгын куркынычының югары классына бәйле рәвештә гражданнарның урманнарда булуын һәм аларга 29 августтан 21 календарь көнгә керүен чикләү кертелде.

Чикләүләр республиканың урман фонды җирләрендә урнашкан урманнарга карата билгеләнгән. Татарстан Республикасының урман тармагы белгечләре тарафыннан тиешле чикләү кертү турында кисәтү аншлаглары урнаштыру, аның гамәлдә булу чоры һәм урман юлларын шлагбаумнар белән ябу эшләре башкарылды.

Өстәмә мәгълүмат алу өчен ТР “Урман-янгын үзәге” ДБУнең төбәк диспетчерлык хезмәтенә 8 (843) 221-37-95 телефоны буенча мөрәҗәгать итәргә мөмкин.