Үзара салым программасы кысаларында Вороновкада ремонт эшләре төгәлләнде

2022 елның 2 сентябре, җомга

Лаеш районында үзара салым программасы кысаларында территорияләрне төзекләндерү эшләре дәвам итә. Питрәч-Ковалы авыл җирлегенең Вороновка авылында үзара салым хисабына Кленовая урамы буенча юл өлешен асфальтлаштыру эшләре төгәлләнгән.

Урамны төзекләндерүнең төп бурычы - җирле халык өчен дә, башка җирлекләрдән, районнардан килүчеләр өчен дә уңайлы территория булдыру. Халыкка үзара салым акчасын субсидияләү программасы киләсе елда да дәвам итәчәк. Димәк, авыл халкы бу юл белән мөһим мәсьәләләрне хәл итә алачак. Программа һәм башкарылган эшләр турында тулырак мәгълүматны сезнең җирлек башкарма комитетында белергә мөмкин.