Татарстанда «Бала илдә хаклы» социаль видеороликлар конкурсы башланды
Татарстанда «Бала в мире прав» - «Бала хокук даирәсендә» VIII Республика мәгълүмати-социаль видеороликлар конкурсы старт алды. Анда алты яшьтән 35 яшькә кадәрге балалар һәм яшьләр, шул исәптән төркемнәр яки иҗат коллективлары составында да катнаша ала, дип хәбәр итте Татарстан Республикасында бала хокуклары буенча вәкаләтле вәкил Ирина Волынец.
"Конкурс җәмәгатьчелек, дәүләт һәм муниципаль органнарның республикада балалар хокукларын һәм мәнфәгатьләрен тәэмин итү мәсьәләсенә игътибарын җәлеп итүгә, шулай ук балаларны социаль-хокукый активлыкка стимуллаштыруга, хокукый грамоталылыкны һәм хокукый культураны арттыруга, позитив рухи-әхлакый кыйммәтләрне формалаштыруга, үсеп килүче буында иҗади сәләтләрне үстерүгә юнәлтелгән", - диелә хәбәрдә. Конкурс өч этапта уздырыла. 10 сентябрьдән 20 октябрьгә кадәр узачак беренче конкурста катнашу өчен гаризалар кабул ителә.