Россиядә опека һәм попечительлек органнары белгечләренең «Бала ягында» беренче Бөтенроссия конкурсы старт ала
Россия Мәгариф министрлыгы балигъ булмаган гражданнарга карата “Бала ягында” опека һәм попечительлек органнары белгечләренең һөнәри эшчәнлеге өлкәсендә Бөтенроссия конкурсын башлап җибәрә. Конкурс опека һәм попечительлек органнары имиджын күтәрү һәм үз һөнәри эшчәнлекләрендә уңай нәтиҗәләргә ирешкән белгечләрне билгеләп үтү өчен үткәрелә.
Анда бу өлкәдә кимендә өч ел эш стажы булган опека һәм попечительлек органнары белгечләре, шулай ук Россия субъектларының балигъ булмаганнарның хокукларын һәм законлы мәнфәгатьләрен яклау өлкәсендә югары нәтиҗәләренә ия опека һәм попечительлек органнарының территориаль һәм муниципаль органнары катнаша ала.
Конкурс өч этапны үз эченә ала: сайлап алу этабы, ярымфинал һәм финал. Беренче ике этап читтән торып дистанцион рәвештә үткәрелә, финал онлайн-трансляция форматында да узачак. Җиңүчеләрне бүләкләү тантанасы Мәскәүдә 2022 елның декабрендә узачак.