Татарстанда «Мин һәм Кызыл китап» балалар эшләнмәләре конкурсы старт алды.
Биоресурслар буенча Татарстан Республикасы Дәүләт комитеты «Мин һәм Кызыл китап» балалар эшләнмәләре конкурсы игълан итә. Чара үсеп килүче буында экологик аңны формалаштыру, иҗади һәм иҗтимагый-агарту эшчәнлегенә җәлеп итү аша республиканың сирәк очрый торган һәм юкка чыгу куркынычы яный торган үсемлек һәм хайван төрләрен саклау белән кызыксынуны үстерү максатларында уза.
Конкурс 2 номинациядә уздырыла: Татарстан Республикасының Кызыл китабына кертелгән үсемлекләр, гөмбәләр, лишайниклар һәм хайваннар төрләрен сурәтләү. Мәктәпкәчә яшьтәге балалар һәм республика мәгариф учреждениеләре укучылары, шулай ук сәламәтлеге мөмкинлекләре чикләнгән балалар катнаша ала. Эшләр 16 ноябрьгә кадәр кабул ителәчәк.
Конкурс турында тулырак мәгълүматны 8(843)211-68-62 телефоны буенча ачыкларга була.