Татарстанда “Татарстан Республикасы Конституциясенең 30 еллыгы - үзеңне тикшерү” конкурсы старт алды
2022 елның 6 ноябрендә Татарстан Республикасы Конституциясен кабул итүгә 30 ел тула. Татарстан Республикасы Төп законын кабул итүнең юбилей датасы уңаеннан, Татарстан Республикасы халкын хокукый агарту буенча комплекслы эш кысаларында, “Татарстан Республикасы Гражданлык инициативаларын яклау үзәге” төбәк иҗтимагый фонды тарафыннан “Татарстан Республикасы Конституциясенең 30 еллыгы - үзеңне тикшер!” проекты гамәлгә ашырыла.
«Татарстан Республикасы Конституциясенең 30 еллыгы - үзеңне тикшерергә!» республика конкурсы - Татарстан Республикасы Төп законының төп нигезләмәләре буенча онлайн-тест үткәрү. https://constitution30.tatar/ проекты сайтында теләге булган һәркем теркәлү узарга һәм сынауда катнашырга мөмкин. Һәр катнашучы үз нәтиҗәләре белән электрон сертификат алачак. Шулай ук конкурс нәтиҗәләре буенча иң күп балл җыйган катнашучыларга цифрлы гаджетлар рәвешендә кыйммәтле бүләкләр тапшырылачак. Тестлауда 12 сентябрьдән 1 ноябрьгә кадәр катнашырга мөмкин.