Пенсия фондында пенсия грамоталыгын күтәрү буенча кампаниягә старт бирелде
Укучы яшьләрнең пенсия грамоталыгын күтәрү буенча Россия Пенсия фондының традицион кампаниясе старт алды. Кичә пенсия грамотасының Бердәм көнендә - бөтен ил буенча пенсия белән тәэмин итү нигезләре буенча мәктәп укучылары һәм урта махсус уку йортлары студентлары өчен дәресләр узды.
Россия Пенсия фондының Татарстан Республикасы буенча бүлеге хезмәткәрләре Советлар Союзы Герое Б.К.Кузнецов исемендәге 2 нче Лаеш мәктәбендә һәм Лаеш техник-икътисад техникумында булдылар.
Алар укучыларга пенсия хокукларының нәрсә булуы, аларның ничек формалашуы һәм нәрсәгә бәйле булуы, киләчәк пенсияне яшь килеш ничек кайгыртырга кирәклеге һәм ни өчен "ак хезмәт хакы" алу мөһим булуы турында сөйләделәр. “Пенсион грамоталыкның бердәм көне - ел саен укучы яшьләр белән Пенсия фонды үткәрә торган чираттагы масштаблы мәгълүмати-аңлату эше өчен иң мөһим старт.