Өлкән яшьтәге татарстанлыларны пенсия белән тәэмин итү турында
4 октябрьдә Татарстан Республикасы Министрлар Кабинетында Брифингта Россия Пенсия фондының Татарстан Республикасы буенча бүлеге идарәчесе өлкән яшьтәге татарстанлыларны пенсия белән тәэмин итү турында мәгълүмат белән чыгыш ясады.
Бүгенге көндә Татарстан Республикасында пенсия алучы 1,1 млн. кеше исәпләнә, шуларның 80%тан артыгы - өлкән яшьтәге кешеләр яисә, әйткәнебезчә, гомум билгеләнгән пенсия яшенә җиткән гражданнар.
Быел берничә индексация үткәрелде. 2022 елның гыйнварыннан бирле 900 мең тирәсе эшләмәүче пенсионерларның иминият пенсияләре 5,9% ка артты, ә аннары өстәмә рәвештә 8,6% ка кадәр индексацияләнде, бу 2021 ел өчен бәяләр үсеше индексыннан югарырак. Июньнән пенсияләрнең барлык төрләре өстәмә рәвештә 10 %ка арттырылды. Нәтиҗәдә, быел бер пенсия коэффициенты 118,10 сум тәшкил итте, иминият пенсиясенә карата теркәлгән түләү күләме - 7 220,74 сум. Республикада картлык буенча хезмәт пенсиясенең уртача күләме 19 мең сумнан артык (19160,70сум) тәшкил итә.