Лаеш районында яңа мөхтәсиб сайлаулар узды

2022 елның 11 ноябре, җомга

Илдус Зарипов Лаеш муниципаль районы имамнары белән очрашты. Сокуры авылының “Юлчы” мәчетендә яңа мөхтәсиб сайлаулары узды. Ул Наил хәзрәт Габделханов булды. Элегрәк ул Нурлат районы имам-мөхтәсибе иде.

Наил хәзрәт Габделхановның Нурлат районында имам-мөхтәсиб вазыйфасында биш ел эшләү дәверендә зур эш башкарылган: мәгариф үзәге ачылган, ике ноктада халыкның социаль якланмаган катламнары өчен туклану пунктлары, үлгәннәрне юу бинасы эшли башлаган, балалар өчен татар телен укыту эше оештырылган, ә иң мөһиме - районда конфессияара һәм милләтара татулык оешкан, дин әһелләренең эшчәнлеге дә зур әһәмияткә ия.